close
話咁快又到聖誕節啦，今年仲係米奇90歲生日，廸士尼一於大攪雙重慶祝活動，樂園亦已經換上節日濃厚的聖誕裝飾，準備同大家一齊過聖誕。

一於跟小喵入嚟睇下有咩玩啦。
今次高飛會化身為聖誕老人，係會客室同大家見面影靚相。
樂園每天都會係會客室免費派發聖誕心願明信片，比大家寫下祝願送比親友，而明信片一共有4款，每日會隨機派發，大家記得儲齊一套。
經過「聖誕願望郵筒」寄出的明信片，仲會印上特別版的聖誕高飛紀念印章，是今個聖誕不能錯過的Check Point。
除了聖誕高飛，仲有Duffy 同Cookie，佢地都換上聖誕裝同大家Say Hi。

 
每日下午仲有限定的大型「米奇與好友聖誕舞會」，一班廸士尼朋友同大家載歌載舞，一齊同唱聖誕樂曲慶祝聖誕。
20分鐘的舞會上會仲有現場4重唱同舞蹈，首首聖誕歌係耳熟能詳，包保大家都識唱，真係聽出耳油，最後更會帶來奇幻的飄雪。
 
入夜後，18米高的聖誕樹會有亮燈儀式，絕對係影相打卡熱點，加埋聖誕歌詠團的現場獻唱、燈飾同飄雪，令人置身係童話中的飄雪冬季樂園，真係好浪漫架。
 
一連串的活動過後，當然少不了到小店大街到買限定「米奇90派對盛事」及「聖誕主題精品」。
18"的生日派對米奇公仔是不能錯過，而且左腳亦是印上香港限量。
Tsum Tsum 的派對米奇版亦令人心大心細。
Duffy 同埋一班朋友換上聖誕裝，大家又點睇呢。
 
相信聖誕限定三眼仔及布魯托造型的爆谷桶是粉絲必定要儲。 
廸士尼樂園內仲有多款聖誕美食供應。
 
 
香港居民只需以$699，就可以購買「雙重節日優惠」門票，由即日起至2018年12月30日可以進入廸士尼樂團兩次啦，購物同飲食都仲有優惠，今個聖誕一於同米奇米妮一齊過啦。


「A Disney Christmas」和「米奇90派對盛事」地點︰香港廸士尼樂園
日期︰2018年11月15日至2019年1月1日

香港迪士尼樂園 Facebook︰
https://www.facebook.com/disneyland.hk/
 
Welcome to Visit : 
arrow
arrow
    全站熱搜

    kittyxbeanscat 發表在 痞客邦 留言(0) 人氣()

    E-mail轉寄