最近素食自助餐在香港開得火熱，單是銅鑼灣短短3個月內就新開了兩間，包括主打天然味道的【放下素】及新派素食【素一】，兩者各有特式，【放下素】主打台式素食，所有菜式都是以食材的天然味道為主，不含五辛及素肉，以【素一】就主打新派素食，素肉菜式比較多。

【素一】
主打新派素食的【素一】以「四季」為主題，讓人在忙碌中放慢腳步，「回歸」簡單的開端，而自助餐內有超過60款的中、日式素食，包括蛋、奶及純素，適合不同飲食習慣的朋友，以素肉的菜式亦較多，最啱肉食同初轉食素嘅朋友令佢地容易接受。
  餐廳內亦有標明菜式的種類，顧及不同人士的需要。

 

而素一主打係素食壽司，有壽司師傅即席製作，以風乾的生果片加入蒟蒻魚生壽司內，滲出淡淡的果香。
 
花之戀就最為驚喜，外層是蒟蒻魚生片，而面上的「魚籽」是以海藻製成，填相及味道都十分像真。

漢堡包是牛油果為餡料，夠哂清新。
 馬來沙嗲串
酥炸茶樹菇，煙韌口感加埋椒鹽，香脆得來十分惹味。
潮式的反沙芋亦是出面少有，香脆的糖霜加上炸芋頭，亦是必吃。
 酸酸甜甜的烤菠蘿，就最啱飯後消膩。 
薑醋蛋薑汁辣度十足，食完會暖笠笠，不過蛋就略為不夠入味。
逢星期一至星期五晚市仲送小吃，包括︰手撕素雞、冰鎮咕嚕肉或燉湯，任揀其一。
燉湯就按每日時令取材，今次飲嘅係茶樹菇，平時飲一盅都成$48蚊，而素一就免費送一盅，最啱懶煲湯又想養生的朋友。
冰鎮咕嚕肉係用雞脾菇，冰鎮令到外皮更加酥脆，外凍內暖，酸甜適中，勁開胃。
 
午市︰
1100-1430 75分鐘
星期一至星期五 $78
  星期六日及公眾假期  $98
下午茶︰
1430-1630 90分鐘
星期一至星期五 $68
  星期六日及公眾假期  $78
晚市︰
1800-2300 90分鐘
星期一至星期五 $168
  星期六日及公眾假期  $188
 
素一
地址︰銅鑼灣謝斐道535號Tower 535地庫B04號舖
電話︰2328-2102
 
【放下素】
而係同區的另一間素食自助餐【放下素】就主打台式素食，所有菜式取自食材的天然味道，不含蔥蒜及素肉，餐廳以70年代的Starbuck 風格，配上中式木椅，令人放下繁複的生活，好好享受用膳的時間。
餐廳內亦僱用身體有缺餡的職員及弱勢社群，包括聾啞人士等等，讓佢地融入社會生活及重建自信，遇到客人需要幫忙，他們亦會主動幫手，令人感覺多一份體貼入微的細心。
餐具亦印上「我願意放下對食物服務要求~做福世界」，亦是提醒客人對餐廳職員及食物多一點尊重，放下一些成見，應當時刻充滿感恩的心。
菜式種類亦有80多款，午市多是以中式為主，而晚市會加入西式元素，包括Tapas、西班牙蛋餅、愛爾蘭蛋等等，西式是由法式料理的大廚主理，而中式大廚來頭更甚，曾是主理台灣及名人的素食，在用料及烹調方法充滿著要求，質量自然有所保證。

放下素另一特色是供應自家製風乾乾果，主要食材是時令蔬果，再經過一晚的風乾，每次製作需時。

今次有火龍果、橙、梨、蕃茄、香蕉及蘋果，口感帶一點煙韌，經過風乾後，味道充滿層次及天然的甜味，個人最喜歡香蕉乾，多吃也不會胖，成為餐前最佳的零食。

沙律吧亦有10多款新鮮的蔬食，可以自由配搭。

冷盤設有4-5款。
涼拌青瓜雲耳。
放下素就最多特式炸物，包括椒鹽炸金菇、炸秋葵、炸南瓜、炸茄子等等，而且一點也不油膩，愛吃炸物的朋友必試。
潮式炸蠔餅就最具特式，是以茄子肉取代蠔肉，口感十分像真。
仲有做法繁複的自家製漢堡、咖喱薯餅及Pizza，以鷹咀豆、紅腰豆及香料調配而成，可以配搭烘好的麵包及醬汁，成為自製漢堡。

 

另一個較為欣賞的是爸爸煎蛋角，蛋角口感軟滑，口感不會過老，就像兒時家常小菜的味道，充滿家的感覺。
今次飲的是木棉花冬瓜湯，以十多款材料煲製而成，味道濃郁，有助春日祛濕。
薑醋蛋就夠入味，連蛋黃也是甜醋的味道，是眾多素食自助餐最為出色，不過薑醋就不太辣，比較偏甜。
餐廳亦鼓勵2019年DSE的莘莘學子，憑准考證可以以$88任食任何一個時段呢。
 
午市︰
1145-1230 45分鐘 $72
1200-1430 45分鐘 $80
1200-1430 60分鐘 $98
 
晚市︰
1800-1910 70分鐘 $108
1915-2030 75分鐘 $138
2030-2150 60分鐘 $108
 
放下素
地址：銅鑼灣登龍街28號永光中心3樓
電話：28322032
 
Welcome to Visit : 
 
 
 
arrow
arrow
    全站熱搜

    kittyxbeanscat 發表在 痞客邦 留言(0) 人氣()

    E-mail轉寄