尖沙咀LCX的韓國餐廳The Joomak一向最多韓式素食,愛吃純素泡菜的喵,每月也總會例行到訪呢,5月份又有新推出的素食菜式加入放題系列,就係久別的韓式素炸雞同香烤素鰻魚,素炸雞一貫大大件,吃2件已經飽到上心口,所以好食嘅野點都要同朋友開心Share。

今次有3款新口味的素炸雞,素炸雞係在豆卜裡釀入「養清素漿」,豆卜「雞」皮炸得香脆,內裡帶一點嫩滑咬口,口感跟炸雞十分相似,而同行的肉食朋友就覺得比起真炸雞還要細滑,沒有鞋恰恰的口感,而喵就覺得比起「素麥樂雞」還要好食,是一絲絲的質感,如果有得買返屋企整就好。

韓式辣味素炸雞 (純素) $188韓式辣醬係用辣椒粉再加入黑糖及純素沙律醬而成,甜辣的味道的確十分惹味,不過怕辣的朋友真的要小心,吃了半件辣味素炸雞喵已經辣到頂不順了,但同行愛吃辣的朋友偏偏覺得偏甜呢,怕吃辣的朋友還是淺嚐吧。

 

牛油果開心果素炸雞(五辛及蛋奶素) $188
素炸雞配上
牛油果開心果醬,再加埋青檸汁及青檸乾,酸酸的十分開胃,帶一點清新,配埋麻藥粉就係perfect match。
芥末素炸雞 (蛋奶素) $188
因為我唔食得辣,所以個人覺得【芥末素炸雞】是3款素炸雞之中最好食,芥末醬是用純素沙律醬加入日式芥末而成,芥末的嗆鼻剛好被香甜沙律醬中和,加上酸酸地嘅醃漬黃蘿蔔蓉,入口不刺鼻之餘,仲好有芥辣香,令人一吃上癮。
除了素炸雞,喵今次是專為素鰻魚而來,素鰻魚並不是現成買的素肉,而是自家用淮山蓉及豆腐製成,口感軟綿得來帶一點彈牙,再鋪上紫菜扮魚皮,賣相都幾似真,令喵真心佩服師傅的工架呢
純素燒鰻魚 (純素)$188一份燒鰻魚餐有多款配菜,包括素鰻魚醬、芝麻葉、生菜及鍋巴,食法也十分講究。
自己的素鰻魚是要自己燒,今次喵是錯誤示範,千萬不要燒紫菜的一面,而是要燒「魚肉」的一面,大概燒5分鐘,就會聞到焦香,再塗埋素鰻魚醬,我究竟食緊「真」鰻魚定素鰻魚。
煎香素鰻魚後,配上素鰻魚醬、芝麻葉、生菜及脆卜卜的鍋巴,最重要的是加入薑絲,多重的味道及口感,好食的指數爆燈,必定要encore。
純素燒鰻魚炒飯 (純素) $118
 雖說炒飯,但口感就比較濕潤,喵就覺得比較像日式的香菇炊飯,飯底加入素鰻魚醬入香菇,菌香十足,而素鰻魚烤香後,啖啖肉十分香口。
 純素鰻魚卷 (純素) $98
 還記得Joomak的水梨卷嗎? 鰻魚卷可是它的升級版,沒有了水梨,換上咸香嫩滑的素鰻魚,加上青瓜、醃漬黃蘿蔔及紅蘿蔔絲,口感爽脆,但就吃不到素鰻魚的彈牙口感。
  
 食炸雞點可以無一杯冰凍的啤酒,加埋一杯無酒精的青檸味「素啤酒」,咁就係最佳配搭。
青檸黑麥汁(素啤酒)$98
不過最抵食都係逢星期一的素食放題,$208就可以90分鐘內任食素炸雞、烤素鰻魚、板燒未來豬肉漢堡等素食菜式,而逢星期二就有素鰻魚優惠,只要點1份素鰻魚就可以加$1追加多1份,呢個真心抵食。
 
The Joomak 韓式素食放題
價錢:$208 (另加$38任飲類別I飲品,加$88任飲類別I及類別II飲品及1份甜品)
用餐時限:90分鐘
供應時段:全日
 
星期二素鰻魚優惠
二人同行於星期二點選素鰻魚,即可以加$1追加1份素鰻魚
供應時段:全日

星期三炸雞優惠
價錢:$168
享用炸雞及素炸雞
用餐時限:90分鐘
供應時段:全日


The Joomak
地址:尖沙咀廣東道17號海港城海運大廈3樓LCX 34號舖
查詢:2111 0851

The Joomak
Facebook︰ https://www.facebook.com/thejoomakhk/
 
Welcome to Visit : 
arrow
arrow
    全站熱搜

    kittyxbeanscat 發表在 痞客邦 留言(0) 人氣()